Armchess.am-ը տեղեկացնում է, որ Եվրոպայի թիմային առաջնության ավարտից անմիջապես հետո Հայաստանի տղամարդկանց հավաքականը մեկնեց Անթալիա, որտեղ մասնակցելու է աշխարհի թիմային առաջնությանը: Այստեղ թիմը հանդես կգա նույն կազմով, ինչ Վարշավայում. Լեւոն Արոնյան, Սերգեյ Մովսիսյան, Վլադիմիր Հակոբյան, Գաբրիել Սարգսյան, Տիգրան Լ. Պետրոսյան, մարզիչ` Արշակ Պետրոսյան:
Աշխարհի թիմային առաջնությանը կմասնակցի 10 երկիր` Հայաստան, Ադրբեջան, Թուրքիա, Գերմանիա, Չինաստան, Եգիպտոս, Նիդելանդներ, Ռուսաստան, Ուկրաինա, ԱՄՆ: Առաջնությունը կմեկնարկի այս տարվա նոյեմբերի 24-ին:
