Մարզական լրագրողների հանրապետական ֆեդերացիան հրապարակել է Հայաստանի 2013թ. լավագույն մարզիկի անունը: Լավագույնն է ճանաչվել ազատ ոճի ըմբիշ Դավիթ Սաֆարյանը՝ ստանալով 220 միավոր: Քվեարկությանը մասնակցել են 22 լրագրողներ:
Երկրորդ տեղում է հայտնվել հունահռոմեական ոճի ըմբիշ Արթուր Ալեքսանյանը՝ 187 միավորով, իսկ եռյակը եզրափակել է հունահռոմեական ոճի ըմբշամարտի Հայաստանի հավաքականի մեկ այլ ներկայացուցիչ՝ Արսեն Ջուլֆալակյանը՝ 155 միավորով:
1 . ԴԱՎԻԹ ՍԱՖԱՐՅԱՆ ազատ ըմբշամարտ 220 միավոր
2 . ԱՐԹՈՒՐ ԱԼԵՔՍԱՆՅԱՆ հ/հ ըմբշամարտ 187
3 . ԱՐՍԵՆ ՋՈՒԼՖԱԼԱԿՅԱՆ հ /հ ըմբշամարտ 155
4 . ՌՈՄԻԿ ԱՄՈՅԱՆ հ / հ ըմբշամարտ 119
5 . ԱՇՈՏ ԴԱՆԻԵԼՅԱՆ սամբո 109
6 . ԱՐԹՈՒՐ ԴԱՎԹՅԱՆ սպ. մարմնամարզություն 88
7 . ԱՐԱՄ ԱՎԱԳՅԱՆ բռնցքամարտ 75
8 . ՄԱՔՍԻՄ ՄԱՆՈՒԿՅԱՆ հ/ հ ըմբշամարտ 52
9 . — 10 . ՄՈՒՍԱ ՄՈՒՐԹԱԶԱԼԻԵՎ ազատ ըմբշամարտ 49
9 . -10 . ԱՐԹՈՒՐ ՇԱՀԻՆՅԱՆ հ /հ ըմբշամարտ 49
Մարզական լրագրողները հարցաթերթիկներում նշել են ևս 9 մարզիկների անուններ. շախմատիստներ Լիլիթ Մկրտչյան, Զավեն Անդրիասյան, բռնցքամարտիկներ Արթուր Քիրաջյան, Հենրիկ Մոքոյան, սամբիստներ Տիգրան Կիրակոսյան, Սոսե Բալասանյան, Մավրիկ Նասիբյան, Երջանիկ Կարապետյան և հունահռոմեական ոճի ըմբիշ Վաչիկ Եղիազարյան:
Լավագույն թիմ է ճանաչվել Եվրոպայի անհատական – թիմային առաջնությունում երրորդ տեղը գրաված Հայաստանի հունահռոմեական ըմբշամարտի հավաքականը:
