ՀՀ իշխանությունների շուրջ ազգային կոնսոլիդացիա է պետք: Նույն շեշտադրումն է արել նաև ՀՀ առաջին նախագահ Լևոն Տեր-Պետրոսյանը: Այս մասին 24TV-ի «Հարցազրույց» հաղորդման եթերում ասել է ԱՀ նախագահի թեկնածու, «Ազատ հայրենիք» կուսակցության նախագահ Արայիկ Հարությունյանը:
Արցախի նախագահական ընտրությունների երկրորդ փուլում անցած թեկնածուն համախմբման կոչ է անում նաև Արցախի ուժերին՝ շեշտելով, որ իր ընտրվելու դեպքում պատրաստ է համագործակել բոլորի հետ:
«Այն բոլոր ուժերի հետ, որոնք պատրաստ են համագործակցության, ձևաչափը կընտրենք: Կոալիցիոն կլինի, գրավոր կլինի այդ գործակցությունը, թե ոչ, մենք դրան կանդրադառնանք ընտրություններից հետո, ավելի հստակ՝ կսկսենք բանակցությունները ընտրություններից հետո»,- ընդգծել է Հարությունյանը:
Հարցին, թե ինչպե՞ս կգնահատի երկրորդ փուլում իր մրցակցի՝ Մասիս Մայիլյանի՝ ընտրապայքարից դուրս գալու որոշումը, նա ասել է, որ ցանկացած որոշում հարգում են և չի անդրադառնում քաղաքական մրցակիցների մեկնաբանություններին՝ միաժամանակ հայտնելով, որ ինչ-որ տեղ Մայիլյանի քայլը սպասելի էր:
Դիտարկանը, թե ինչպե՞ս կարող է ազդել իր քվեների վրա պայքարից Մայիլյանի դուրս գալը, Հարությունն ասել է, որ առայժմ չէր ցանկանա գնահատական տալ արդյունքների վերաբերյալ:
Հարությունյանն անդրադարձել է նաև շշուկներին, թե Արցախում քաղաքական պայմանավորվածություններ են եղել՝ վստահեցնելով, որ քաղաքական պայմանավորվածություն չի կայացել որևէ մեկի, առավելևս իր հետ:
Շարունակությունը տեսանյութում:
