Ուկրաինական հեռուստաալիքներից մեկի եթերում «Բատկովշչինա» կուսակցությունից Գլխավոր Ռադայի պատգամավոր, հայազգի Արսեն Ավակովը հարձակվել է նախկին պատգամավոր Օլեգ Կալաշնիկովի վրա։
Վերջինս սկսել է վիրավորել Ավակովին՝ Եվրամայդանի թեմայով բանավեճի ժամանակ, ինչից հետո Ավակովը չի դիմացել և շուռ է տվել ամբիոնը։ Ավակովը բանավեճից հետո ասել է, որ Կալաշնիկովը եթերից հետո անմիջապես լքել է ստուդիան․ «Եթերի ավարտից հետո նա փախել է ստուդիայից ավելի արագ, քան ես հասցրի հանել բարձրախոսս․․․ Էսթետ ընկերներ, կներեք։ Կներեք, որ ա) չկարողացա զսպել ինձ, և բ) չավարտեցի պիեսը»,- սոցցանցերից մեկում գրել է Ավակովը։
