Բժշկագիտության դոկտոր Հրայր Շահինյանը համաշխարհային ճանաչում ունեցող մասնագետ է էնդոսկոպիկ վիրաբուժական տեխնիկայի ստեղծման ու կիրառման ոլորտում: Շահինյանի ստեղծած մեթոդներն օգտագործվում են գանգի և գլխուղեղի բոլոր խանգարումների բուժման համար:
Հայտնի բժիշկը 1981 թվականին կրթություն է ստացել Բեյրութի ամերիկյան համալսարանում, այնուհետև ուսումը շարունակել է Չիկագոյի բժշկական դպրոցի համալսարանում: Ավարտելով պրակտիկան Ցյուրիխի գլխի և պարանոցի վիրաբուժության և Նյու Յորքի համալսարանի գանգի և դեմքի վիրաբուժության բաժանմունքներում՝ Շահինյանը 1992 թ. պաշտոնապես հավաստագրվել է Վիրաբուժության ամերիկյան խորհրդի կողմից, ինչը նրան թույլ է տվել ակտիվորեն զբաղվել պրակտիկ գործունեությամբ:
Հրայր Շահինյանի նոր մեթոդներն ապահովում են նյարդավիրաբուժական տեխնոլոգիաների անվտանգ օգտագործումը հիվանդությունների բուժման գործում: Նրա ժամանակակից մոտեցումներն արմատապես փոխեցին նյարդավիրաբուժության ապագան, և այժմ դրանք լայնորեն կիրառվում են ամբողջ աշխարհում ՝ Կանադայից մինչև Հարավային Կորեա:
Հրայր Շահինյանն արժանացել է NASA- ի մրցանակի՝ առաջադեմ բժշկական տեխնոլոգիաների ոլորտում կատարած աշխատանքների համար: Նա ավելի քան 80 գիտական աշխատություն է հրատարակել էնդոսկոպիկ մեթոդների մասին:
