Ռուսաստանը ներկայացնող հայ բռնցքամարտիկ Միխայիլ Ալոյանը նվաճել է Բռնցքամարտի համաշխարհային ասոցիացիայի (WBA Gold) ոսկե տիտղոսը՝ Կեմերովոյում հաղթանակ տանելով պանամացի Ռոնալ Բատիստայի դեմ մենամարտում: Ալոյանը հաղթանակ է տարել մրցավարների միաձայն որոշմամբ։
Ինչպես հայտնում են ռուսական լրատվամիջոցները, 52.16 կգ քաշային կարգում մենամարտը, որն անց է կացվել «Արենա» համալիրում, բաղկացած է եղել 12 ռաունդից:
«Հաղթանակները դեռ առջևում են»,- մենամարտից հետո լրագրողների հետ զրույցում նշել է Ալոյանը: Ալոյանը պրոֆեսիանալ սպորտ է մուտք գործել 2017-ի մայիսին: Նա 2012-ի Օլիմպիական խաղերի բրոնզե մրցանակակիր է, աշխարհի կրկնակի չեմպիոն (2011, 2013) և Եվրոպայի չեմպիոն (2010):
