Հյուսիսային Կորեայում հաստատել են, որ պաշտոնանկ է արվել Պաշտպանության պետական կոմիտեի բաժնի վարիչի տեղակալ 67-ամյա Չան Սոն Տխեկը, ով երկրի առաջնորդ Կիմ Չեն Ինի հորեղբայրն է։ Երեկ կայացել է Կորեայի աշխատավորական կուսակցության քաղբյուրոյի նիստը, որտեղ քննարկվել է «Չան Սոն Տխեկի հակակուսակցական և հակահեղափոխական գործունեությունը»։
Նիստի ժամանակ նշվել է, որ նա և իր կողմնակիցները «միտումնավոր խեղաթյուրել են և չեն կատարել կուսակցական որոշումները, չեն ենթարկվել Կորեայի ժողովրդական բանակի գլխավոր հրամանատարի կարգադրություններին»։ Այս մասին հաղորդում է ITAR-TASS գործակալությունը։
