Կլիմայական արտակարգ իրավիճակի սպառնալիքի մասին հայտարարության տակ ստորագրել են 153 երկրների ավելի քան 11 հազար գիտնականներ: Այս մասին հաղորդում է BioScience-ը:
«Գիտնականները բարոյական պարտավորություն են կրում հստակ նախազգուշացնելու մարդկությանը ցանկացած աղետալի սպառնալիքի մասին։ Հիմնվելով դրա վրա՝ մենք միասին՝ ավելի քան 11 հազար ներքոստորագրյալներս, ամբողջ աշխարհից պարզ և ոչ երկիմաստորեն հայտարարում ենք, որ այս մոլորակը բախվել է արտակարգ եղանակային իրավիճակի»,- գրում են նրանք։ Աղետալի հետևանքներից խուսափելու համար գիտնականները մատնանշել են 6 քայլ.
- հանածո վառելիքի արտադրության կրճատում և անցում այլընտրանքային էներգիայի աղբյուրների,
- կլիման աղտոտող արտանետումների կրճատում՝ ներառյալ մեթանը, սև ածխածինը (մուր) և ածխաջրածինները,
- Երկրի էկոհամակարգի պաշտպանություն և վերականգնում,
- հիմնականում բուսական արտադրանքի սպառում, միաժամանակ կենդանական արտադրանքի գլոբալ սպառման նվազեցում, ինչը կարող է ոչ միայն բարելավել մարդկանց առողջությունը, այլև էապես նվազեցնել ջերմոցային գազերի արտանետումները,
- բնակչության արտադրողականության ու կայունության բարձրացում՝ միաժամանակ պահպանելով հիմնական կարիքները և նվազեցնելով տնտեսական անհավասարությունը,
- կայունացում և, իդեալականորեն, համաշխարհային բնակչության աստիճանական կրճատում՝ սոցիալական ամբողջականության ապահովման շրջանակներում:
