Գեղարքունիքի մարզպետարանում կրճատումներ են սպասվում: Այդ մասին ԱԺ-ում լրագրողների հետ զրույցում ասաց Գեղարքունիքի մարզպետ Գնել Սանոսյանը՝ մանրամասնելով, որ նախկին 3 փոխմարզպետներից երկուսն արդեն կրճատվել են, այժմ կա ընդամենը 1 փոխմարզպետ:
Մնացած աշխատակազմն էլ, ըստ մարզպետի, կկրճատվի տարածքային կառավարման մասին օրենքի ընդունումից հետո։
Գնել Սանոսյանը ուրախությամբ փաստեց, որ նորանկախ Հայաստանի պատմության մեջ առաջին անգամ մարզպետարանների և պետական կառավարման համակարգի աշխատողները 2019 թվականին կայուն բարձր աշխատավարձ են ստանում:
