Կրեմլում Ռուսաստանի և Միացյալ Նահանգների նախագահներ Վլադիմիր Պուտինի և Դոնալդ Թրամփի միջև հանդիպում անցկացնելու հնարավորության վերաբերյալ թերահավատություն չկա: РИА Новости-ի հաղորդմամբ, այս մասին հայտարարել է Ռուսաստանի ղեկավարի մամլո խոսնակ Դմիտրի Պեսկովը:
Այսպիսով, Կրեմլի ներկայացուցիչը արձագանքել է ռուսական դիվանագիտական աղբյուրի այն հայտարարությանը, որը թերահավատորեն էր գնահատել Մոսկվայում հանդիպում անցկացնելու հեռանկարը: Գործակալության զրուցակցի խոսքերով՝ յուրաքանչյուր հանդիպման հետ ամեն ինչ միայն վատանում է:
Առաջին անգամ Ռուսաստանի և Միացյալ Նահանգների ղեկավարները հանդիպել են 2017-ի ամռանը Համբուրգում կայացած G20 գագաթնաժողովին, և նույն տարվա նոյեմբերին Վիետնամում Ասիա-խաղաղօվկիանոսյան տնտեսական համագործակցության գագաթնաժողովում: 2018-ի հուլիսին նրանք անցկացրեցին իրենց լիարժեք հանդիպումը Հելսինկիում: Դրանից հետո ԱՄՆ Կոնգրեսի անդամները քննադատեցին Թրամփին՝ Ռուսաստանի առաջնորդի հետ դեմ առ դեմ խոսելու համար:
Այս տարվա հունիսին նախագահները բանակցություններ են վարել Օսակայում G20 գագաթնաժողովի ընթացքում: Զրույցի ընթացքում Պուտինը Թրամփին հրավիրեց մասնակցելու 2020 թվականի Հաղթանակի շքերթին: Վաշինգտոնը դեռ պատասխան չի տվել:
