Մարզային ենթակայության հանրակրթական ուսումնական հաստատություններում իրականացված ֆինանսական վերաբաշխումների արդյունքում Կոտայքի մարզի շուրջ 90 դպրոցներում կիրականացվեն ավելի քան 437 մլն դրամ արժողությամբ կապիալ վերանորոգման և շենքային պայմանների բարելավման աշխատանքներ:
Եւ այսպես.
160.000.000 ՀՀ դրամ արժողությամբ շին.աշխատանքներ կիրականացվեն Աբովյանի թիվ 10 հիմնական դպրոցում, որը կուղղվի տարրական դասարանների համար առանձին նոր մասնաշենքի կառուցմանը։Արդեն դիմել ենք Քաղաքաշինության պետական կոմիտե`ժամանակակից չափորոշիչներին համապատասխան եռահարկ շինության նախագծային աշխատանքներին ընթացքո տալու նպատակով:
Հրազդանի 14 հիմնական դպրոց – դպրոցի պատուհանների ամբողջական փոխարինման համար տրամադրվել է 37.000.000 ՀՀ դրամ:Կարենիսի միջնակարգ դպրոց- տանիքի և պատուհանների փոխարինում՝ վերաբաշխման արդյունքում տրամադրվել է 23.000.000 ՀՀ դրամ: Զառի միջնակարգ դպրոց – պատուհանների փոխարինում և ջեռուցման համակարգի անցկացում՝ վերաբաշխման արդյունքում տրամադրվել է 20.000.000 ՀՀ դրամ:Արգելի միջնակարգ դպրոց – առաջին հարկի շքամուտքի և դասասենյակների վերանորոգում՝ վերաբաշխման արդյունքում տրամադրվել է 20.000.000 ՀՀ դրամ:
Մի շարք դպրոցներում կիրականացվեն պատուհանների ամբողջական փոխարինման, տանիքների ընթացիկ նորոգման, մարզադահլիճների դասասենյակների ու սանհանգույցների վերանորոգման աշխատանքներ։ Առաջնահերթություններից է նաև որոշ համայնքներում դպրոցների ջեռուցման համակարգի անցկացման և արդիականացման հարցը:Կրթության համար բարենպաստ պայմանների ստեղծումը և կրթական ոլորտի բարեփոխումները մեր պետության առաջնահերթություններից են, ինչին և միտված են մեր գործուն քայլերն ու համակարգային ծրագրերը:
