«Թրանսափարենսի ինթերնեշնլ հակակոռուպցիոն կենտրոն» ՀԿ-ն այսօր ներկայացրեց իր զեկույցը 2011-2013 թթ-ին Հայաստանում պետական գնումների ոլորտում անցկացրած մոնտիորինգի վերաբերյալ:
Մոնտիտորինգի թիրախային ուղղություններն են հանդիսացել բողոքարկման ինստիտուտը, մեկ անձից գնումները, էլեկտրոնային գնումները, շրջանակային համաձայնագրերը, գնումների աջակցման կենտրոնի գործունեությունը, գնումների պաշտոնական կայքում տեղեկատվության ամբողջականությունը և թափանցիկությունը:
Մոնիտորինգի արդյունքում գրանցված հիմնական խնդիրները հետևյալն են.
- Մեկ անձինց գնումները հանդիսանում են գնման նախապատվելի ձև պետական կառավարման մարմինների համար, ընդ որում, առկա է մեծ կենտրոնացվածություն (թե քանակային, թե գումարային):
- Հանրային կազմակերպությունների մոտ (չնայած օրենքով սահմանված պահանջներին) նկատվում է գնումների մասով թափանցիկության հաշվետվողականության պակաս:
- Էլեկտրոնային գնումների համակարգն ամբողջական չէ:
- Էլեկտրոնային գնումների համակարգի միջոցով հայտարարված ընթացակարգերի շուրջ 40 տոկոսը համարվում է չկայացած:
- Պայմանագրային պատվիրատուները լրջորեն չեն մոտենում էլ. գնումների մասով հանրային տեղեկատվությանը:
- Համակարգում առկա են բազում տեխնիկական բնույթի հիմնախնդիրներ:
- Չնայած աստիճանաբար մեծանում է բողոքարկման ինստիտուտի նկատմամբ վստահությունը, սակայն գործընթացը արդյունավետ չէ:
- Կան հիմնավոր կասկածներ ընտրանքի պատահական լինելու և ռոտացիոն համակարգի նկատմամբ:
- Գնումների աջակցման կենտրոնը չի օգտվում Առևտրի համաշխարհային կազմակերպության գնումների համաձայնագրի անդամակցությունից բխող առավելություններից:
- Չի իրականացվում պլանավորված և փաստացի ընթացակարգերի համեմատական վերլուծություն (գումարային կամ քանակային):
- Գնումների պաշտոնական կայքը բարելավման կարիք ունի:
