Ես կմեկնեմ Գերմանիա մի քանի օրով և կվերադառնամ: Այս մասին դատարանում լրագրողների հետ զրույցում նշեց պաշտպանության նախկին նախարար, Քոչարյանի և մյուսների գործով ամբաստանյալ Սեյրան Օհանյանը:
Օհանյանի խոսքվ՝ 2011 թվականին իրեն նվիրել են պրոթեզ, և դրանից հետո 3 անգամ մեկնել է. «Այնպիսի պրոթեզ է, որի սպասարկումն իրականացվում է միայն ու միայն Գերմանիայում: Ես կմեկնեմ մի քանի օրով եւ կվերադառնամ»,- ասաց նա՝ նշելով, որ վաղը գնալու է դեսպանատուն և հույս ունի՝ թույլտվություն կստանա:
