«Բարսելոնան» գլխավոր մարզչի պաշտոնում պատրաստվում է հրավիրել գերմանացի անվանի երկու մասնագետներից մեկին՝ Յուրգեն Կլոպին կամ Յոախիմ Լյովին։ Երկու մասնագետներից մեկը կարող է փոխարինել անբավարար արդյունքներով աչքի ընկնող Խերարդո Մարտինոյին։
Կատալոնական ակումբի համար նախընտրելի է Յուրգեն Կլոպի տարբերակը, ով որոշում է կայացրել լքել «Բորուսիան» մրցաշրջանի ավարտից հետո, չնայած վերջերս է երկարաձգել պայմանագիրը դորտմունդյան ակումբի հետ մինչև 2017 թվականը։ Այս մասին հաղորդում է AS-ը։
«Բարսելոնան» նաև դիտարկում է Լյովի թեկնածությունը, ով Մունդիալ 2014-ից հետո կարող է մնալ առանց աշխատանքի։
