Տարածքային կառավարման եւ ենթակառուցվածքների նախարար Սուրեն Պապիկյանն այսօր լրագրողների հետ խոսեց կրճատումների մասին: Նրա խոսքով՝ օպտիմալացումը նորմալ գործընթաց է: «Յուրաքանչյուր օպտիմալացում եւ կրճատում պետք է կախված լինի նախարարության արդյունավետությունից»,- ասաց Պապիկյանը:
Նա հիշեցրեց՝ եղել է կրկնվող գործառույթ, այդ պատճառով էլ նախարարությունների միացման ժամանակ աշխատողներից ոմանք կրճատվել են:
Սուրեն Պապիկյանն ասաց, որ կլինեն պետական կառավարման մարմինների միավորումներ, որոնց հետեւանքով եւս կրճատումներ կլինեն:
