Կիևի իշխանությունները պատրաստվում են Անկախության հրապարակը` Մայդանը, որտեղ ընդդիմադիրներն անցկացնում են իրենց շուրջօրյա բողոքի ակցիաները, վերածել մեծ սառցադաշտի: Այս մասին հաղորդում է Interfax գործակալությունը:
Համաձայն հրապարակված փաստաթղթի, այդ սառցադաշտը պետք է հասանելի լինի քաղաքացիների համար արդեն դեկտեմբերի 15-ից: Քաղաքային իշխանություններն այս նախաձեռնությունը կյանքի կոչելու համար դիմել են ոստիկանությանը: Առայժմ հայտնի չէ, թե երբ է ոստիկանությունը պատրաստվում «ազատագրել» Մայդանը:
