Կիպրոսի ֆուտբոլային ասոցիացիան մրցավարների միության նախագահ Լեոնտիոս Տրատոսի ավտոմեքենան անհայտ անձանց կողմից պայթեցնելու պատճառով հետաձգել է բարձրագույն խմբի բոլոր խաղերը, որոնք պետք է կայանային մարտի 1-ին և 2-ին։ Հաղորդում է The Guardian-ը։
Տրատոսի ավտոմեքենան, որը կայանած է եղել մայրաքաղաք Նիկոսիայի արվարձաններից մեկի կանգառում, պայթեցվել է փետրվարի 28-ի առավոտյան։
Ոստիկանության աշխատակիցների խոսքերով՝ պայթուցիկ սարքը տեղադրված է եղել ավտոմեքենայի առաջնամասում։ Պատահարի հետևանքով ոչ ոք չի տուժել։
