Կիպրոսի կառավարությունը խոստացել է վճարել այն զբոսաշրջիկների ծախսերը, որոնք հանգստանալու ընթացքում կորոնավիրուսով կվարակվեն։ Այս մասին հայտնում է BBC-ն։
Ըստ որոշման՝ կվճարվեն սննդի, բուժման և հոսպիտալացման բոլոր ծախսերը: Նշվում է, որ կղզում օտարերկրյա զբոսաշրջիկների համար առանձին հիվանդանոց կգործի:
Կիպրոսը մտադիր է հունիսի 9-ից վերսկսել միջազգային ավիահաղորդակցությունը: Սկզբնական շրջանում կթույլատրվի սահմանափակ թվով երկրների քաղաքացիների մուտքը Կիպրոս: Նրանք պետք է կորոնավիրուսի թեստ հանձնեն։
