ՀՀ Առողջապահության նախարար Արսեն Թորոսյանը ֆեյսբուքյան ուղիղ եթերում մանրամասնել է առողջապահական իրավիճակը երկրում՝ պայմանավորված կորոնավիրուսի տարածմամբ։
Նա նշել է, որ կորոնավիրուսով վարակվածների աճով պայմանավորված՝ Նորքի ինֆեկցիոնն այլևս միակ հաստատությունը չէ, որտեղ տեղափոխվում են հիվանդները, կան նաև ևս 5 բուժհաստատություններ.
«Այս պահին ունենք ռենտգենով հաստատված 11 թոքաբորբի դեպք, որոնցից 3-ին է անհրաժեշտ ավելի ինտենսիվ թերապիա։ Սակայն որևէ մեկի կյանքին, բարեբախտաբար, վտանգ չի սպառնում։ Կա 600-ից ավելի մեկուսացված մարդ։ Հիվանդանոցների թիվը միգուցե աճի, իհարկե հնարավոր է, որ ընթացքում ռազմավարությունը փոխվի» ։
Նախարարը հորդորել է քաղաքացիներին խստորեն հետևել ինքնամեկուսացմանը։ «Մեկուսացման մեր ռեզերվը սպառվում է և կանխարգելիչ գործողությունները պետք է արվեն ինքնամեկուսացումով»,-ասել է նա:
Մանրամասները՝ տեսանյութում.
