Կարմիր խաչի աշխատակիցներին հաջողվել է տարհանել Եմենի հյուսիսում գտնվող գյուղի 40 բնակչի: Վերջին երկու շաբաթվա ընթացքում գյուղը շրջափակված էր շիա մուսուլման ապստամբների կողմից, հայտնում է BBC-ն:
Կարմիր խաչի ներկայացուցչի խոսքերով՝ տարհանվածներից 35-ը վիրավոր են:
Դամաջ գյուղի վրա հարձակում գործած շիաները պատկանում են «Հուսեյն Ալ-Հուսի» շարժմանը: Գյուղում զոհերի թիվն արդեն հասել է 130-ի: «Ալ-Քաիդա»-ի եմենական թևն արդեն խոստացել է վրեժխնդիր լինել շիայականներից գյուղի վրա հարձակման համար:
