ՄԱԿ-ում ԱՄՆ նախկին մշտական ներկայացուցիչ, Բարաք Օբամայի նախկին օգնական Սամանտա Փաուերն իր կարծիքն է հայտնել այսօր ԱՄՆ Ներկայացուցիչների պալատում նախանշված՝ Հայոց ցեղասպանության մասին թիվ 296 բանաձևի քվեարկության վերաբերյալ:
«Ամերիկահայերը և Ներկայացուցիչների պալատի անդամ Ադամ Շիֆը տարիներ շարունակ փորձել են համոզել Կոնգրեսին ճանաչել Հայոց ցեղասպանությունը:
Չնայած Թուրքիայի ժխտողական դիրքորոշմանը, Պալատը, ամենայն հավանականությամբ, կճանաչի 20-րդ դարասկզբի առաջին ցեղասպանությունը»,- թվիթերյան իր էջում գրել է Փաուերը:
