ԱԺ պատգամավոր Միքայել Մելքումյանը «Արդյունաբերական քաղաքականության մասին» ՀՀ օրենքի նախագիծ է ներկայացրել, որին կառավարությունը հավանության կարժանացնի` իր մատնանշած առաջարկներն ընդունելու դեպքում: Կառավարության եզրակացությունը հավանության կարժանանա վաղվա նիստում:
«Նախագիծը առավելապես ունի հռչակագրային և ծրագրային բնույթ, հստակ չէ կարգավորման առարկան և չի պարունակում արդյունաբերական քաղաքականության իրականացման և արդյունաբերության առանձին ոլորտների մրցունակության բարձրացման գործնական մեխանիզմներ: Հարկ է նկատի ունենալ «Իրավական ակտերի մասին» Հայաստանի Հանրապետության օրենքի 9-րդ հոդվածի պահանջները, համաձայն որոնց, օրենքը պետք է կարգավորի առավել կարևոր, բնորոշ և կայուն հասարակական հարաբերություններ»,- նշված է այդ եզրակացության մեջ:
