Ինֆորմացիոն տեխնոլոգիաների ձեռնարկությունների միության տնօրեն Կարեն Վարդանյանը դրական է գնահատում Կառավարության կողմից կայացրած այն որոշումը, ըստ որի ՏՏ ոլորտի սկսնակ ձեռնարկությունները կազատվեն շահութահարկից եւ եկամտահարկի 10 տոկոսից երեք տարով:
Այս որոշումը նա չի կապում «Դ!եմ եմ» շարժումը հանդարտեցնելու կամ պառակտելու հետ:
«Արդեն 3-4 տարի է, մենք բարձրացրել ենք այդ հարցը, ու այն քննարկվում էր: Հիմա այն ոնց որ լուծում ստացավ, եւ ես դրական եմ գնահատում: Դա հիմնականում խրախուսում է, որ երիտասարդները զբաղվեն տեղեկատվական տեխնոլոգիաների ձեռներեցությամբ, ինչը մեզ համար կարեւոր հանգամանքներից մեկն է: Հիմա մենք ունենք շուրջ 500 ընկերություն այս ոլորտում, եւ կարծում եմ, որ սա կնպաստի, որպեսզի մինչեւ 2018-ը եւս 500-ով ավելանան ընկերությունները»,- ասում է Վարդանյանը Araratnews.am-ի հետ զրույցում:
