Global Affairs Canada-ն (GAC) հրապարակել է Կանադայի ռազմական արտահանման մասին իր ամենամյա զեկույցը, որում նշվել է, որ 2019 թվականի ընթացքում Ադրբեջանին ռազմական արտահանման ոչ մի թույլտվություն չի տրվել, հաղորդում է Կանադայի Հայ ազգային կոմիտեն (ANCC):
2017 թվականին Ադրբեջանական Հանրապետությանը Կանադական մասնավոր ընկերություններից զրահատեխնիկայի վաճառքից հետո Կանադան արդեն երկրորդ տարին անընդմեջ չի ներառում Ադրբեջանին այն երկրների ցանկում, որոնց նա չի վաճառում ռազմական ապրանքներ: 2019 թվականի հոկտեմբերին Սիրիայում թուրքական «Խաղաղ գարուն» գործողությունից հետո Կանադան արգելել է նաև ռազմական արտահանումը Անկարա, որը անորոշ ժամանակով երկարացվել էր 2020 թվականի ապրիլին: 2020 թ. հունիսի 4-ի զեկույցի հրապարակումից հետո Կանադայի հայկական համագումարը նամակ է հղել երկրի ԱԳՆ նախարար Ֆրանսուա-Ֆիլիպ Շամպանին, որտեղ բարձր է գնահատել կառավարության որոշումը և կոչ արել նախարարին շարունակել զերծ մնալ ինչպես Թուրքիայի, այնպես էլ Ադրբեջանի հետ զենքի առևտրին մասնակցելուց:
Նամակում մասնավորապես նշվում է.
«Մինչ Թուրքիան շարունակում է ապակայունացնել Մերձավոր Արևելքը և սպառնալ տեղական փոքրամասնությունների գոյությանը, Ադրբեջանը զգալիորեն բարձրացրել է իր ռազմական պատրաստականությունը ՝ մշտապես ահազանգելով Արցախի Հանրապետությունում ռազմական գործողությունների վերսկսման մասին և սպառնալով անմիջականորեն հարձակվել Հայաստանի Հանրապետության վրա»:
ՀԱԿ-ի համանախագահները նաև հույսն են հայտնել, որ զենքի արտահանման Կանադական կանոնների և Զենքի առևտրի մասին պայմանագրին Օտտավայի միանալուց հետո Թուրքիային և Ադրբեջանին տրված ռազմական արտահանման թույլտվություններն ավելի խիստ գնահատականի կենթարկվեն:
«Կանադան պարզապես չի կարող մասնակից դառնալ հրեշավոր ռազմական հանցագործություններին և մարդու իրավունքների խախտումներին, որոնք արտոնված են և իրականացվում են այնպիսի հետադիմական բռնապետություններով, ինչպիսիք են Թուրքիան և Ադրբեջանը»,- նշված է նամակում։
