Դերասան Հայկ Մարությանն իր ֆեյսբուքյան էջում գրել է.
Տարոն Մարգարյանն ասել է.«Թող շատերը հիշեն 90-ական թթ. սկիզբը, երբ տրանսպորտի լուրջ խնդիր կար: Ես երբևիցե չեմ ուզենա, որ մենք անցնենք այդ վիճակին»:
Ցավում եմ, որ Երևանի քաղաքապետը համեմատում է այսօրվա Հայաստանը նորաստեղծ և պատերազմի մեջ գտնվող Հայաստանի հետ: Այսպիսով նա մեծ հարվածի տակ է դնում իր կուսակիցներին և կառավարությանը, ուղղակիորեն ասելով, որ նրանք Հայաստանը հասցրել են նման վիճակի: Ասեմ ավելին, անելով այս հայտարարությունը, նա իրեն դրել է շատ անհարմար դրության մեջ: Դուրս է գալիսˋ եթե մենք հասել ենք 90-ականներին պատերազմող Հայաստանի տնտեսական վիճակին, ապա դրան երկու բացատրություն կա.Կամ հանրապետական կուսակցությունը պատերազմ է հայտարարել ժողովրդին կամ էլ պարզապես Տարոն Մարգարյանը վատ մենեջեր է:
Հ.Գ Քաղաքակիրթ աշխարհում քաղաքային տրանսպորը շահույթ չբերող կամ անգամ վնասով աշխատող կառույց է, որը մշտական պետական սուբսիդավորման կարիք ունի: Եվ պատկերացրեք այլ քաղաքների քաղաքապետները կարողանում են գտնել այդ միջոցները և ապահովել տրանսպորտի հասանելիությունը բոլոր բնակիչների համար:
