Կառավարության նախարարական կոմիտեում հանձնարարվել է Տարածքային կառավարման եւ ենթակառուցվածքների նախարարությանն ու Ոստիկանությանը, որ համատեղ քննարկեն ու լուծեն նաեւ խցանումների խնդիրը: Այս մասին կառավարության նիստում ասաց փոխվարչապետ Տիգրան Ավինյանը:
Տարածքային կառավարման եւ ենթակառուցվածքների նախարար Սուրեն Պապիկյանն էլ ասաց, որ շատ զարգացած երկրներում վթարի մասնակից վարորդները պարտավոր են նկարել վթարը, համաձայնության գալ ու հանել մեքենաները, այլապես տուգանվում են, իսկ Հայաստանում դա կամավորության սկզբունքով է արվում:
