ЮКОС-ի ղեկավար Միխայիլ Խոդորկովսկին, որին հինգշաբթի օրը ՌԴ նախագահի կողմից համաներում էին շնորհել՝ մասնավոր ինքնաթիռով ժամանել է Բեռլին, հայտնում է BBC-ն:
Այստեղ Խոդորկովսկուն դիմավորել են նրա փաստաբան Անտոն Դրելը և Գերմանիայի արտաքին գործերի նախկին նախարար Հանս-Դիտրիխ Հենշերը:
Լրատվամիջոցները Խոդորկովսկու հետագա տեղաշարժի տարբեր վարկածներ են առաջ քաշում, քանի որ նրա կինը գտնվում է Շվեյցարիայում, իսկ որդին՝ ԱՄՆ-ում:
Նշվում է նաև, որ Խոդորկովսկին շուտով հայտարարությամբ հանդես կգա:
