Մադրիդի «Ռեալի» և Գերմանիայի հավաքականի կիսապաշտպան Սամի Խեդիրան կարող է մինչև 2014 թվականի Աշխարհի առաջնությունը դուրս չգալ խաղադաշտ ծանր վնասվածքի պատճառով: Այս մասին հաղորդում է Գերմանիայի հավաքականի պաշտոնական կայքը:
Հնարավոր է, որ պատռվել են Խեդիրայի աջ ծունկի խաչաձև հյուսվածքները: «Սամին պետք է վիրահատվի: Հուսով ենք, որ նա կհասցնի վերականգնվել մինչև Աշխարհի առաջնություն», — ասել է Գերմանիայի հավաքականի բժիշկ Հանս Վիլհելմ Մյուլեր Վոլֆարտը:
Հիշեցնենք, որ դրվագներից մեկում Խեդիրան բախվել է Իտալիայի հավաքականի առաջատար Անդրեա Պիրլոյի հետ, որից հետո փոխարինվել է:
