Մադրիդի «Ռեալի» ամենաթանկ ձեռքբերումը՝ ուելսցի Գարեթ Բեյլը, անդրադարձել է այսօր Կատալոնիայի մայրաքաղաքում կայանալիք «Բարսելոնա» — «Ռեալ» հանդիպմանը։ Հիշեցնենք, որ խաղը կսկսվի Երևանի ժամանակով 20։00-ին։
«Այս շաբաթ խաղացինք «Յուվենտուսի» դեմ, որից հետո շարունակեցինք ջանասիրաբար մարզվել։ Գտնվում եմ լավ մարզավիճակում և պատրաստ եմ դուրս գալ մեկնարկային կազմում։ Սակայն որոշում կայացնողը մարզիչն է։
Չեմ կասկածում, որ խաղը անմոռանալի կդառնա ինձ համար, սակայն կարևորը մեր հաղթանակն է», — ասել է Բեյլը։
