Լևոն Արոնյանի փայլուն հաղթանակը Արկադի Նայդիչի նկատմամբ. Վեյկ Ան Զեե

Հոլանդիայի Վեյկ Ան Զեե քաղաքում անցկացվող Tata Steel Chess շախմատային մրցաշարի 5-րդ տուրում Հայաստանի ուժեղագույն շախմատիստ Լևոն Արոնյանը սև խաղաքարերով մրցում էր գերմանացի Արկադի Նայդիչի հետ։

Մի քանի ժամ տևած այս պարտիայում հայազգի գրոսմայստերը փայլուն էնդշպիլի շնորհիվ 57-րդ քայլում մրցակցին ստիպեց անձնատուր լինել։

Նշենք, որ 5 տուրից հետո Լևոն Արոնյանը 4 միավորով միանձնյա գլխավորում է մրցաշարային աղյուսակը։