Լևոն Արոնյանը պարտության մատնեց Պյոտր Սվիդլերին. Հավակնորդների մրցաշար

Հայաստանի առաջատար շախմատիստ Լևոն Արոնյանը Ռուսաստանի Խանտի Մանսիյսկ քաղաքում անցկացվող Շախմատի աշխարհի առաջնության հավակնորդների մրցաշարի 4-րդ տուրում սպիտակ խաղաքարերով պարտության մատնեց ռուս գրոսմայստեր Պյոտր Սվիդլերին։

ՖԻԴԵ-ի դասակարգման երկրորդ համարը մրցակցին ստիպեց 57-րդ քայլում անձնատուր լինել։ Վիշվանաթան Անանդ – Վլադիմիր Կրամնիկ և Սերգեյ Կարյակին – Վեսելին Թոփալով պարտիաներում գրանցվեց ոչ-ոքի, իսկ Շահրիյար Մամեդյարովը սպիտակներով հաղթեց Դմիտրի Անդրեյկինին։

4 տուրից հետո մրցաշարային աղյուսակը հետևյալ տեսքն ունի՝

Անանդ — 3 միավոր

Արոնյան — 2,5

Կրամնիկ — 2,5

Թոփալով — 2

Սվիդլեր — 2

Կարյակին — 1,5

Մամեդյարով — 1,5

Անդրեյկին — 1