«Ֆեյսբուքի» օգտատեր Աննա Մարգարյանը սոցիալական ցանցի իր էջում գրել է.
«Վերջին շրջանում լուրջ սրացում է նկատվում ԱԺ ԲՀԿ խմբակցության պատգամավոր Գևորգ Պետրոսյանի մոտ։
Վերջինս, նախ մոռանալով, որ Ստամբուլյան կոնվենցիայի մասին ԱԺ֊ում ԱՌԱՋԻՆ բարձրաձայնողը և դրա ընդունման մասին հույս հայտնողը իր կուսակից, իր կուսակցության կողմից ԱԺ Մարդու իրավունքների հանձնաժողովի նախագահի թեկնածու առաջադրված Նաիրա Զոհրաբյանն էր, դուրս էր եկել ինչ֊որ ցույցի ու լոզունգներ էր հնչեցնում, իսկ արդեն այսօր «սատանայապաշտ» է անվանում ՀՀ ԿԳՄՍ նախարար Արայիկ Հարությունյանին։
Կարծում եմ՝ պարոն Պետրոսյանը ինքն էլ է հասկանում, թե ինչ տխմարություն է հրամցրել քաղաքացիներին, հասկանում է, որ ԱԺ պատգամավորի ինստիտուտը ամեն նման տխմարաբանությամբ ևս մեկ անգամ բռնաբարվում է ու հասկանում է, որ պիտի առնվազն ներողություն խնդրի նախարարի պատիվն ու արժանապատվությունը վիրավորելու համար»։
