«Մանչեսթեր Յունայթեդի» ապագա գլխավոր մարզիչ Լուի վան Գաալը, ով իր նշանակման մասին կհայտարարի հաջորդ շաբաթ, մտադիր է թիմ հրավիրել մի քանի առանցքային ֆուտբոլիստների, որոնց հետ ժամանակին աշխատել է «Բավարիայում»։ Այս մասին հաղորդում է The Daily Mail-ը։
Մանկունիանցիների ղեկավարությանը ներկայացված տրանսֆերային ծրագրերի ցուցակում նշվում է Արյեն Ռոբենի, Թոնի Կրոսի և Թոմաս Մյուլերի անունները։ Նշվում է, որ հոլանդացի մասնագետն իր վերջնական համաձայնությունը կտա տեղափոխվելու այս ակումբ այն բանից հետո, երբ «Յունայթեդի» ղեկավարութոյւնն իր կարծիքը հայտնի հնարավոր տրանֆերների վերաբերյալ։
