Փարիզի ոստիկանությունը նախնական քննություն է սկսել հայտնի ռեժիսոր Լյուկ Բեսոնի Cite Du Cinema ստուդիայի նկատմամբ, որին մեղադրում է կոռուպցիայի մեջ։ Այս մասին հաղորդում է BBC-ն։
Քրեական գործի հարուցումը նախաձեռնել է Ֆրանսիայի հաշվիչ պալատը, որը հափշտակության դեպքեր է արձանագրել կինոստուդիայում։ 2012 թվականին բացված այս կինոստուդիայի կառուցման վրա ծախսվել է 160 մլն եվրո, գումարի մի մասը հատկացրել է պետությունը։ Ֆինանսավորման որոշումը կայացրել է Նիկոլա Սարկոզին 2008 թվականին։ Լյուկ Բեսոնի կինոստուդիայում հայտարարում են, որ իրենք դարձել են քաղաքական հաշվեհարդարների զոհ։
