«Բարսելոնայի» արգենտինացի հարձակվող Լիոնել Մեսսին չի կարողանա խաղադաշտ դուրս գալ մինչև 2014 թվականի սկիզբը: Իսպանիայի առաջնության 16-րդ տուրում «Բետիսի» հետ խաղում Մեսսին ստացել էր ոտքի վնասվածք: Այսօր կայացած հետազոտությամբ պարզ է դարձել, որ Մեսսին բաց կթողնի 6-8 շաբաթ: Ինչը նշանակում է, որ մինչև 2014 թվականը նա չի կարողանա դուրս գալ խաղադաշտ:
Հիշեցնենք, որ ավելի վաղ հաղորդվել էր, որ Մեսսին չի մեկնում Արգենտինայի հավաքական, որը նոյեմբերի 15-18-ն ընկերական հանդիպումներ կանցկացնի Էկվադորի և Բոսնիայի հավաքականների հետ:
