 Լիբիայի իշխանությունները պնդում են, որ իրենց հյուպատոսը ձերբակալված իսլամիստ գրոհայինի մոտ պետք է անարգել մուտք ունենա,- հաղորդում է BBC-ն:
Լիբիայի արդարադատության նախարարը ԱՄՆ ռազմական ուժերի կողմից «Ալ-Կաիդա» խմբավորման պարագլուխներից մեկի՝ Անաս Լիբիի ձերբակալությունը առևանգում է որակել:
Հիշեցնենք, որ Լիբիայի վարչապետ Ալի Զեյդանը, չնայած իր երկրում իրականացված այդ միջոցառմանը, ցանկություն էր հայտնել պահպանել բարիդրացիական հարաբերությունները ԱՄՆ-ի հետ: Միաժամանակ նա նշել է, որ հանցագործություն կատարած Լիբիայի քաղաքացիները պետք է պատասխան տան լիբիական դատարանի առջև:
Ուշագրավ է, որ Լիբիայի իշխանությունները տեղեկացված չեն եղել ԱՄՆ հատուկ ուժերի կողմից Լիբիի ձերբակալումը պլանավորելու և իրականացնելու մասին: |
