Լեոնարդո դի Կապրիոն զուր ժամանակ չի ծախսում: Ընդամենը մի քանի շաբաթ առաջ նրան եւ աշխարհահռչակ Victoria`s Secret-ի մոդելներից մեկին` Տոնի Գարրնին միասին նկատել էին հոլիվուդյան էկո-բարերից մեկում` կաթ խմելիս: Սակայն վերջերս միլիոնավոր կանանց սրտերի տիրակալին բռնացրել են եւս մի գեղեցկուհու` բրազիլացի մանեկենուհի Կետ Տորրեսի հետ: Կետն անձամբ խոստովանել է, որ Լեոյի հետ նրանց կապում են ոչ միայն ընկերական հարաբերությունները, այլ ավելին: Նրանք ծանոթացել են Կաննում, աստղային զույգը հանգստանում էր միեւնույն հյուրանոցում: Չնայած նրան, որ Կետը պատմել է իրենց հարաբերությունների մասին, սակայն ասել է, որ շատ անհանգիստ է Լեոյի վերաբերմունքից, քանզի վերջինս նախընտրում է ամեն ինչ թաքցնել: Կետն ասել է, որ լրագրողներին նույնիսկ պատահաբար հանդիպելու դեպքում Լեոն անմիջապես շտապում է լքել այդ վայրը, առանձնանալ:
24-ամյա Տորրեսին բացարձակ չի անհանգստացնում իր եւ 38-ամյա դի Կապրիոյի միջեւ եղած տարիքային տարբերությունը: Նա վստահեցնում է, որ իրենք շատ լավ են հասկանում միմյանց եւ շատ երջանիկ են:
