Ամերիկյան CNN հեռուստաալիքի հայտնի մեկնաբան Լարի Քինգը երեկ ներկա է գտնվել «Հեռուստամարաթոնին», որը կազմակերպել էր համահայկական հիմնադրամը:
Armenpress-ի հետ զրույցում Լեռնային Ղարաբաղի նախագահ Բակո Սահակյանը հայտնել է, որ Լարի Քինգն ընդունել է իր հրավերը և պատրաստվում է այցելել Արցախ: Իսկ արքեպիսկոպոս Հովնան Տերտերյանը հաղորդել է, որ Լարի Քինգը պատրաստվում է արդեն այս տարի կատարել այդ այցը:
Լարի Քինգի մասին այս տեղեկատվությունը անմիջապես բուռն քննարկումների թեմա է դարձել ադրբեջանական մամուլում և սոցցանցերում:
