Չինաստանում հսկայական պանդան ձևացրել է իր հղիությունը լրացուցիչ սնունդ ստանալու համար։ Այս մասին հաղորդում է BBC-ն։
Այ Հին անունով կենդանին Սիչուան նահանգում իրեն այնպես է պահել, կարծես հղի լինի։ Ձագի ծնունդը պետք է ցուցադրվեր ուղիղ հեռարձակմամբ, սակայն ինչ-որ պահի պանդայի պահվածքը սովորական է դարձել։
Մասնագետները նշում են, որ կենդանին, հնարավոր է, հասկացել է, որ հղի կենդանիներին տեղափոխում են օդափոխվող սառը տարածքներ, նրանց լրացուցիչ սնունդ են տալիս՝ մրգեր, թխվածքաբլիթներ, շուրջօրյա հոգ տանում նրանց համար։
