Ռուսաստանի և Ադրբեջանի միջև չկան այնպիսի ցավալի հարցեր, որոնք հնարավոր չէ լուծել: Այս մասին հայտարարել է Ադրբեջանի արտաքին գործերի նախարար Էլմար Մամեդյարովը իր ռուսաստանցի գործընկեր Սերգեյ Լավրովի հետ հանդիպումից առաջ:
«Չկան այլևս այնպիսի ցավալի հարցեր, որոնք մենք չենք կարող լուծել: Կյանքի ենք կոչում մեր նախագահների կողմից ընդունված որոշումները»,- ասել է նախարարը:
Լավրովն, իր հերթին, նշել է, որ գոյություն ունեն բազմաթիվ հարցեր, որոնք կողմերը պետք է քննարկեն: Լավրովը նաև ցանկություն է հայտնել Ադրբեջանի հետ քննարկել ուկրաինական ճգնաժամը:
Այնուհետև տեղի է ունեցել երկկողմ տետ-ա-տետ հանդիպում:
