Լանսի երկրպագուները բոյկոտում են Ադրբեջանի գովազդով մարզաշապիկները

Ֆրանսիական «Լանս» ակումբի երկրպագուները, որի սեփականատերն ադրբեջանցի օլիգարխ Հաֆիզ Մամեդովն է, մտադիր են բոյկոտել ակումբի մարզաշապիկները, որոնց վրա կա Ադրբեջանի գովազդը։ Երկրպագուները դժգոհ են, որ Մամեդովի խոստացած 4 մլն եվրոն ակումբն այդպես էլ չի ստացել։

Երկրպագուների ղեկավարներից մեկը՝ Ուիլյամ Կազնովսկին ֆեյսբուքյան իր էջում գրել է, որ անհրաժեշտ է բոյկոտել Azerbaijan Land of Fire գրությամբ մարզաշապիկները։ Նա խորհուրդ է տվել այդ գրությունը փակել կպչուն ժապավենով։

Իրադրությունը կարող է փրկել Ադրբեջանի կառավարությունը, որը հանգանակություն կանի պետական բյուջեից։