Այսօր Իրաքի արևմտյան Անբար նահանգում գրոհայինների մի շարք գործողությունների արդյունքում զոհվել է 17 մարդ, 26-ը վիրավորվել է: Այս մասին հաղորդում է BBC-ն:
Անա քաղաքում սպանվել է 9 ոստիկան, 12-ը` վիրավորվել այն բանից հետո, երբ ոստիկանական բաժանմունքի մոտ պայթեցվել է 2 ավտոմեքենա: Երրորդը, որը վարում էր մահապարտ ահաբեկիչը, պայթեցվել է տեղի պաշտոնյայի տան մոտ այն բանից հետո, երբ գրոհայինները հարձակում են գործել շինության ուղղությամբ: Սպանվել է երեք ոստիկան և պաշտոնյայի եղբայրը:
Հրթիռակոծության ժամանակ տասնմեկ զինվոր ստացել է վնասվածք:
