Իրաքի վարչապետ Մուստաֆա ալ-Քազեմին հեռուսատեսությամբ հայտարարել է, որ տեղեկություն է ստացել իր դեմ պատրաստվող մահափորձի մասին:
«Ես հաշվետվություն եմ ստացել անվտանգության մարմիններից Մոսուլ կատարած այցի ժամանակ ինձ սպանելու ծրագրերի մասին»,- РИА Новости-ի փոխանցմամբ՝ ասել է վարչապետը տեսաուղերձի ժամանակ:
Վերջինս դա որակել է որպես վախեցնելու փորձ և շանտաժ: Քաղաքական գործչի խոսքով՝ ինքը «պատրաստ է աշխատել Իրաքի համար մինչև վերջին շունչը»:
Ալ-Քազեմին վարչապետի պաշտոնը ստանձնելուց հետո առաջին անգամ Մոսուլ է այցելել չորեքշաբթի:
