Իրանի իշխանությունները նախապատրաստել են Մարդու իրավունքների խարտիայի նախագիծ: Այս մասին հաղորդում է Reuters գործակալությունը:
«Խարտիան հիմնված է իսլամական ուսմունքների, որոշ մշակութային և էթնիկական գործոնների վրա»,- հայտարարել է Իրանի փոխնախագահ Էլհամ Ամինզադեն` նշելով, որ նման քայլով գործող նախագահ Հասան Ռուհանին կատարում է իր նախընտրական խոստումներից մեկը:
Խարտիայի նախագծի մշակմանը մասնակցել է իրավունքի ոլորտի լավագույն մասնագետներ և քաղաքական գործիչներ, թվով` 200 մարդ:
