Իրանում գրանցել է կորոնավիրուսով վարակի շուրջ 60 դեպք։ Այս մասին այսօր` փետրվարի 24-ին հաղորդել է Իրանի առողջապահության եւ բժշկական կրթության նախարարի տեղակալ Իրաջ Խարիրչին, հավելելով, որ մահացածների թիվը 12-ն է։
Միեւնույն ժամանակ Իրանի խորհրդարանի Կում քաղաքից ընտրված պատգամավոր Ահմադ Ֆարահանին կասկածի տակ է առել պաշտոնական տվյալները։
«Փետրվարի 23-ի երեկոյան ժամերի դրությամբ կորոնավիրուսից մահվան դեպքերը հասել են 50-ի»,- մեջբերում է ILNA գործակալությունը։ Պատգամավորի խոսքերով «վարակը Կում մտել է երեք շաբաթ առաջ, սակայն ուշ են հայտարարել դրա մասին»։
Հիշեցնենք, որ Հայաստանը երկու շաբաթով դադարեցրել է ցամաքային կապը Իրանի հետ։
