Իրանում շուրջ 15 միլիոն քաղաքացի ապրում է աղքատության շեմից ցածր։ Այս մասին հայտարարել է խորհրդարանի պատգամավոր Մուսարեզա Սերվաթին։ Հաղորդում է Fars գործակալությունը։
«Դա նշանակում է, որ Իրանի քաղաքացիների 20 տոկոսն աղքատ է, և երկրի պաշտոնյաները պետք է ուշադրություն դարձնեն այս տհաճ վիճակագրությանը», — ասել է նա։ Պատգամավորի խոսքերով՝ երկրի 7 միլիոն քաղաքացի, ոչ մի աջակցություն չի ստանում պետությունից։ «Իմամ Խոմեյնիի հիմնադրամն աջակցում է միայն 6 միլիոն աղքատների»,- նշել է Սերվեթին։
Տեղեկացնենք, որ 2010 թվականին Իրանի վիճակագրական ծառայությունը հաղորդել էր, որ 30 միլիոն իրանցիներ աղքատ են, որոնցից 10 միլիոնը՝ ծայրահեղ աղքատ։
