Իրանի պաշտպանական դոկտրինն ամենևին էլ հիմնված չէ զանգվածային ոչնչացման զենքի վրա, այդ թվում` միջուկային: Այս մասին երկուշաբթի օրը հայտարարել է Իրանի նախագահ Հասան Ռուհանին` ելույթ ունենալով պետական IRINN հեռուստաընկերության ուղիղ եթերում:
Ռուհանին այս հայտարարությունն արել է գիտնականների և տեխնոլոգիաների մասնագետների հանրապետական փառատոնի բացման ժամանակ: «Զանգվածային ոչնչացման զենքի արտադրությունը չի բխում Իրանի ազգային շահերից»,- ասել է նա:
