ԱՄՆ-ն Իրանի հետ կստորագրի համագործակցության համապարփակ համաձայնագիր միայն այն ժամանակ, եթե երաշիքներ ունենա, որ իրանական կողմը չի ստեղծի ապագայում միջուկային զենք։ Այս մասին ասել է Ջոն Քերին՝ ամերիկա-իսրայելական հասարակական հարաբերությունների կոմիտեի ամենամյա նիստին հղված զեկույցում։
«Խոսք եմ տալիս, որ ԱՄՆ-ն համաձայնագիր կստորագրի միայն այն ժամանակ, եթե հստակ պատասխաններ տրվեն երեք կարևոր հարցերի։ Առաջինը՝ արդյոք այդ համաձայնագիրն ապահովագրում է, որ Իրանը չի կարողանա ստանալ միջուկային զենք։ Երկրորդ՝ կարող է արդյոք Թեհրանը համոզել աշխարհին, որ միջուկային ծրագիրը հետապնդում է բացառապես խաղաղ նպատակներ։ Երրորդ՝ արդյոք ԱՄՆ-ը բավարար ժամանակ կունենա անհրաժեշտ միջոցներ ձեռնարկելու համար, եթե Իրանն, այդուհանդերձ, փորձի ստեղծել միջուկային զենք», — ասել է Քերին։
Հիշեցնենք, որ Իրանի և «վեցյակի» միջև բանակցությունները զգալի առաջընթաց են գրանցել իրանական միջուկային ծրագրի բանակցություններում։ Իսկ Իրանի նախագահ Հասան Ռուհանին երկու օր առաջ կրկին հայտարարել է, որ Իրանը հրաժարվում է միջուկային զենք ունենալու գաղափարից։
