Իրանի արտգործնախարար Ջավադ Զարիֆը առաջին անգամ YouTube-ի միջոցով դիմում-տեսանյութ է տարածել: Այն վերաբերում է իրանական միջուկային ծրագրին, հաղորդում է BBC-ն:
Տեսանյութում, որը կոչվում է «Դեպի առաջ ճանապարհ կա», Իրանի արտգործնախարարը հայտարարել է, որ երկրի միջուկային ծրագրի շուրջ խնդիրները կարող են լուծվել, և գերտերությունները պետք է օգտվեն իրավիճակը հարթելու ներկա հնարավորությունից:
Նշենք, որ Զարիֆի դիմումը անգլերենով է և ուղղված է արտասահմանյան լսարանին, քանի որ YouTube-ը Իրանում արգելափակված է:
