Իրանը դիմել է ՄԱԿ-ի Անվտանգության խորհրդին՝ իրանցի գեներալ Ղասեմ Սուլեյմանիի սպանության շուրջ ստեղծված դրության հարցով: Այս մասին հայտնել է Իրանի ԱԳՆ պաշտոնական ներկայացուցիչ Աբբաս Մուսավին: Հիշեցնենք, որ Սուլեյմանին սպանվել էր Իրաքում ԱՄՆ իրականացրած գործողության հետևանքով:
«Արտաքին գործերի նախարարությունն արդեն քաղաքական, իրավաբանական և միջազգային միջոցներ է ձեռնարկում, այդ թվում՝ ՄԱԿ-ի և Անվտանգության խորհրդի մակարդակով»,- ասել է Մուսավին:
Ավելի վաղ Իրանի ԱԳՆ-ում հայտարարել են, որ ԱՄՆ-ին բողոք են արտահայտել ԱՄՆ առաջնորդ Դոնալդ Թրամփի՝ իրանական նշանակետերին հարվածելու սպառնալիքների առնչությամբ:
